Padayon nga magadala sang mamunog nga pag-ulan Ang Southwest Monsoon (Habagat) nga bahin sang Luzon kag pila ka lugar sa Visayas tubtub sa Lunes, Agosto 10 suno sa pinakaulihi nga weather advisory halin sa PAGASA.
Sini nga Sabado, Agosto 8, ginalauman ang pagtupa sang nga pag-ulan sa La Union, Benguet, Zambales, Bataan, kag Occidental Mindoro.
Samtang lauman ang pag-ulan sa Ilocos Sur, Pangasinan, Abra, Tarlac, Pampanga, Bulacan, Metro Manila, Rizal, Cavite, Laguna, Batangas, Oriental Mindoro, kag Antique.
Halin Sabado sang gab-i tubtob Domingo sang gab-i, Agosto 9, magapadayon ang pag-ulan nga nagalab-ot sa 100 tubtob 200 milimetros sa Ilocos Sur, La Union, Abra, Benguet, Zambales, Bataan, kag Occidental Mindoro.
Bangud sini, ginahingyo ang mga pumuluyo nga nagapuyo sa mga lugar nga mataas kag madali mabahaan nga maghalong gid, bangud posible ang landslides kag flash floods sa sini nga mga lugar nga apektado sang Southwest Monsoon (Habagat).
