Ginalauman ang asud-asod nga pag-ulan tuga sang habagat nga maga-apekto sa anum ka mga probinsya sa Luzon, suno sa state weather bureau.
Sa heavy rainfall outlook nga ginpaguwa sang weather bureau, ginabulubanta nga nagalab-ot sa 50 tubtub 100 mm sang ulan ang maeksperyensiyahan sa Ilocos Norte, Ilocos Sur, La Union, Pangasinan, Zambales, kag Bataan.
Nagpaguwa man sang thunderstorm advisory ang weather bureau para sa nabilin nga bahin sang Luzon lakip na ang Metro Manila, Bulacan, Zambales, Bataan, Cavite, kag Rizal, sa diin lauman ang kasarangan tubtob mabaskog nga pag-ulan, pagpanaguob, kag mabaskog nga hangin sa sulod sang masunod nga duha ka oras.
Samtang posible nga ideklarar ang pagsugod sang tig-ululan subong nga semana suno sa state weather bureau bangud ginalauman nga padayon nga maga-apekto ang southwest monsoon sa Luzon kag Western Visayas.
