Padayon nga magadala sang ulan ang Habagat sa Luzon kag western nga bahin sang Visayas subong nga Martes, suno sa PAGASA.
Posible nga pag-ulanon ang sa Metro Manila kag pila ka probinsya sa Luzon, lakip ang Pangasinan, Zambales, Bataan, Pampanga, Bulacan, Rizal, Cavite, Batangas kag Occidental Mindoro.
Sa Western Visayas kag iban pa nga lugar, posible man ang magal-umon nga kalangitan, ulan kag pagpanaguob.
Nagpaandam ang PAGASA sa posible nga flash flood kag landslide kag nga pag-ulan.
Samtang, ginamonitor man sang PAGASA ang isa ka tropical storm nga yara pa sa guwa sang Philippine Area of Responsibility ukon PAR.
Ang bagyo yara sa 3,205 kilometers nasidlangan sang extreme Northern Luzon, nga may hangin nga tubtob 75 kilometers kada oras kag pagmadlos nga tubtob 90 kilometers kada oras.
