Lusot na sa House Committee on Children Welfare ang House Bill 8987 ukon hagna nga magasilot sa mga ginikanan ukon tatay nga indi pagsustentuhan ang ila nga mga anak.
Suno sa nagapanguna nga author sang hagna nga si House Deputy Majority Leader kag ACT-CIS Party-list Rep. Erwin Tulfo, dapat mapriso sang tutbtob anom ka tuig ang mga “deadbeat” father nga indi luyag pagsustentuhan ukon panindugan ang ila nga mga anak.
Ginsiling pa ni Tulfo nga ang igahatag nga suporta sang tatay sa ila nga anak ang nakadepende sa kinahanglanon sang bata.
Ginamanduan sang amu nga hagna ang Department of Social Welfare and Development (DSWD) nga magbulig sa National Economic and Development Authority (NEDA) sa pagtalana kun pila ang dapat makuha nga suporta sang mga anak.
Nag-apelar naman si Tulfo sa mga kaupdanan nga mamalidha nga gilayon na nga ipasar ang hagna sa labing madali nga panahon agud mapasabat na ang mga wala sang kaluoy nga ginikanan ukon amay nga gintalikdan ang ila kaugalingon nga anak.
