Gin-aprubahan sang Senado sa ikatlo kag katapusan nga pagbasa ang Senate Bill No. 1962 ukon ang Government Contracting and Procurement Integrity Act nga nagadumili sa mga himata sang pila ka mga opisyal nga magpartisipar sa mga kontrata kag procurement sang gobyerno.
Sa idalom sang proposal, ang mga himata tubtob sa fourth degree of kinship, lakip na ang mga ginikanan, kabataan, utod, lolo kag lola, apo, tiyo kag tiya, pakaisa kag first cousins ang sakop sang pagdumili.
Nagalakip ini sang mga opisyal kag mga tinawo nga direkta nga nagalab-ot sa procurement, lakip ang mga katapo sang Bids and Awards Committee, technical working groups kag iban pa nga nagapatuman sang mga proyekto sang gobyerno.
Katuyuan sang nasambit nga proposal nga malikawan ang conflict of interest kag corruption, samtang ang mga violators mahimo nga mapreso sang isa tubtub tatlo ka tuig, multa kag lifetime ban sa pagpartisipar sa government procurement.
