Gin-file sa House of Representatives ang hagna nga nagalayon nga mahatagan sang mandatory 14th month pay sang mga yara sa pibado nga sektor.
Sa idalom sang House Bill 3808 nga gin-file ni Trade Union Congress of the Philippines (TUCP) party-list Rep. Raymond Mendoza, nga ang 13th month pay ang dapat nga ihatag sa Hunyo 24 samtang ang 14th Month pay ang tubtob sa Disyembre 24 kada tuig.
Ang nasambit nga mga balayaran nakadepende naman sa pag-istoryahanay sang mga empleyado kag mga employers ukon kun may yara sang ginakilala nga collective bargaining agreement.
Ang 14th month ang katumbas sang isa ka bulan nga sweldo nga nagakabaton sang isa ka empleyado sa iya nga kumpanya.
Mahimo man nga magpa-exempt suno sa iya ang mga kumpanya nga nagakabudlayan apang kinahanglan ini nga otorisado sang Department of Labor and Employment (DOLE).
Una na man nga nag-file si Senate Minority Leader Vicente “Tito” Sotto III sang kapareho nga hagna sa Senado.
