Gin-igo sang ginbuy-an nga rockets sang militante nga Hezbollah ang ika-tatlo nga pinaka-dako nga siyudad sang Israel nga Haifa kung sa diin ginkapilas sang 10 ka indibidwal sa bisperas sang una nga anibersaryo sang invasion sang ila kaalyado nga Hamas sa Israel.
Suno sa Hezbollah, nga target nila ang military base south sang Haifa nga magkasunod nga Fadi 1 missiles.
Base sa reports, 2 rockets ang nag-igo sa Hifa sa Mediterranean Coast sang Israel kag 5 iban pa ang gin-igo sa Tiberias nga 65 km ang kalayuon.
Ginpahayag naman sang local police nga pila sa mga edepisyo kag kagamitan ang nawasak kag nagresulta sang minor injuries kung sa diin pila sa mga ini ginpadangat sa malapit nga ospital.
Sa hanay naman sang Israeli military, ginpahayag sini nga gin-igo sang ila fighter jets ang targets sa Intelligence Headquarters sang Hezbollah sa Beirut kalakip ang intelligence-gathering means, command centers, kag dugang nga infrastructure sites.
Sa nakaligad nga mga oras, gin-igo sang air strikes sang Israel ang weapon storage facilities sang Hezbollah sa Beirut subong man ang Hezbollah targets sa southern Lebanon kag Beqaa area.
