Naglab-ot sa masobra P104-M ang ginbilin nga halit sang paglupok sang Mt. Kanlaon sa agrikultura sa Negros Island sa Rehiyon 6 kag suno sa National Disaster Risk Reduction and Management Council (NDRRMC).
Sa pinaka-ulihi nga update, ginsiling sang NDRRMC ang nasambit nga halit ang kabaylo sang 3,947.27 metric tons nga produksiyon.
Naglab-ot sa 1,706 — 135 nga mga mangunguma kag mangingisda ang apektado sa Rehiyon 6 kag 1,571 naman sa Rehiyon 7 kag crop areas sa 842.33 nga ektarya sa parehas nga rehiyon.
Sa nasambit nga numero, 625.85 nga ektarya ang ginklasipika nga “wala na sang tsansa nga makarekober” samtang 216.48 nga ektarya ang “may tsansa pa nga makarekober”.
Yara naman sa 8,580 nga mga pamilya ang apektado ukon 29,739 nga indibidwal sa 25 barangays sa Rehiyon 6 kag 7.
Bangud sini, nagpalab-ot na sang P11,346,626 nga bulig ang gobyerno sa mga apketado nga pamilya.
Mahibaluan nga ang nasambit nga bulkan naglupok sadtong Hunyo 3, kung sa diin nagdugay ini sang anum ka minutes kag
nagprodyus sang 5,000-meter plume.
