Naglab-ot na sa P1.7 billion ang gasto sang kahalitan nga narekord sa sektor sang agrikultura kag imprastraktura bangud sang sunod-sunod nga mga bagyo nga nag-igo sa pungsod sini nga Setyembre.
Sandig sa datus sang National Disaster Risk Reduction and Management Council (NDRRMC), masobra P914 million ang gasto sa kahalitan sa agrikultura samtang masobra P822 million naman ang gasto sa halit sa imprastraktura tuga sang bagyo nga Opong, Nando kag Marisol subong man ang epekto sang habagat.
Ang Cagayan Valley ukon Rehiyon 2 ang may pinakagrabe nga kahalitan sa agrikultura nga naglab-ot sa P807 milyones, ginsundan sang Western Visayas nga may P43 million nga balor sang kahalitan, Cagayan Valley nga may P4.64 million, kag Mimaropa nga may tunga sa milyon.
Sa subong, ginpaidalom na sa state of calamity ang bug-os nga probinsya sang Cagayan, amo man ang Pagudpud sa Ilocos Norte, Ibajay sa Aklan, kag Pagalungan sa Maguindanao del Sur.
