Halit sang mga kalamidad sa agrikultura, halos doble na – DA

Halos nagdoble ang krisis sa sektor sang agrikultura bangud sa epekto sang bagyo Luis kag Maymay nga gindugangan sang mabaskog nga habagat.

Suno sa Department of Agriculture, naglab-ot na sa P689.66 million ang kabug-usan nga balor sang kahalitan sa agrikultura, mas mataas kon ipaanggid sa nauna nga numero nga P347.37 million.

Masobra 21,000 ka mangunguma sa pila ka rehiyon sang pungsod ang apektado.

Ang pinakadako nga naapektuhan nga mga produkto amo ang bugas, nga ginsundan sang mais, saging, high-value crops, kasapata, lakip na ang mga imprastraktura, makinarya kag kagamitan sa agrikultura.