Halit sang sunog duha ka mga puluy-an sa Barangay Quevedo, Maayon Capiz, naglab-ot na sa P9,500  

Naglab-ot sa a P9,500 ang balor sang halit sang sunog sa duha ka mga puluy-an sa Sitio Barrio, Barangay Quevedo, Maayon Capiz.

Totally burned nga puluy-an ang ginpanag-iyahan ni alyas Elma nga ginapahayag wala sang tawo sang natabo ang insidente.

Samtang partially burned naman nga puluy-an ang ginpanag-iyahan ni alyas Jocelyn.

Sa interview sang Bombo Radyo kay FO1 Roger Berico Jr., Chief intelligence and Investigation Unit sang Bureau of Fire Protection Maayon, Capiz, iya ginpahayag nga human sa lights material ang mga puluy-an nga nasunog.

Suno kay Berico, gilayon naman nga nagpalong ang kalayo sang nagresponde nga mga bombero.

Sa subong, padayon pa ang imbestigasyon sang mga otoridad sa rason sang ginhalinan sang kalayo.