Hall of Justice, Roxas City, Capiz temporaryo nga ginsarado matapos nga nakabatyag sang sintomas sang COVID-19 ang isa nila ka empleyado

ROXAS CITY – Temporaryo nga isarado anay ang Hall of Justice, Roxas City, Capiz humalin subong nga adlaw, Agosto 17 tubtob Agosto 18 agud makapatigayon sang disinfection.

Ini kasunod sang report nga may yara sang isa ka empleyado sa isa ka opisina sa Hall of Justice ang naka-confined subong sa ospital matapos nga nakabatyag sang pila ka mga sintomas sang Coronavirus Disease ukon COVID-19 kag nagasuprehir sang balatian nga Pneumonia.

Ini agud masiguro ang ikaayong lawas sang nasambit nga mga empleyado nga mahilway sa posibilidad nga paglapta sang nasambitan nga virus.