Halos 250 ka mga Tricycle Drivers sa Panay, Capiz, nabaton na ang Fuel Subsidy halin sa DSWD

Halos 250 ka mga tricycle driver sa banwa sang Panay ang nakabaton sang fuel subsidy halin sa Department of Social Welfare and Development (DSWD).

Sa interview kay Panay Capiz Mayor Jonathan “Sonny” Besa, iya ginpahayag nga daku gid nga bulig ang amo nga ayuda para sa mga tricycle driver, ilabi na sa masobra lima ka semana nga padayon nga pagtaas sang presyo sang gatong.

Suno sa alkade, ang mga kwalipikado nga makabaton sang subsidy amo ang may kumpleto nga dukomento sang ila nga prangkisa, mayor’s permit, kag valid nga driver’s license.

Nagapangabay man ini sa mga “colorum” nga tricycle nga asikasuhon kag kumpletohon ang ila mga dokumento agud makasunod sa mga regulasyon kag makabenepisyo man sa mga programa sang gobyerno.