Naglab-ot na sa halos 3,000 ang bilang sang mga aftershocks nga naitala sang mga awtoridad kasunod sang magnitude 7.8 nga linog nga nagtay-og sa Mindanao.
Suno sa mga seismologist, normal nga resulta ini sang isa ka mabaskog nga linog bangud nagapadayon ang pag-adjust sang mga fault lines sa idalom sang duta matapos ang nag-unang pagtay-og.
Bisan naganubo na ang kabaskugon sang kadam-an nga aftershocks, may posibilidad gihapon nga may mabatyagan nga mga pagtay-og sa mga masunod nga mga adlaw ukon semana, ilabi na sa mga lugar nga naapektuhan sang linog.
Padayon naman ang pagmonitor sang mga eksperto sa sitwasyon agud matalupangdan ang posible nga mga peligro kag makahatag sang nagakaigo nga impormasyon sa publiko.
Ginpahanumdom man sang mga awtoridad ang pumuluyo nga magpabilin nga alerto kag magsunod sa mga safety protocol agud malikawan ang dugang nga peligro bangud sang sunod-sunod nga mga aftershocks.
