Halos 50 nga mangunguma kag ila mga kabataan, patay matapos magkulob ang ginasakyan nga bangka sa Nigeria

Halos 50 ka indibidwal, kalabanan mga kabataan, ang napatay matapos magkulob ang ginasakyan nga bangka sa Goronyo, northwest sang Sokoto State sa Nigeria.

Suno sa mga otoridad, nagpatigayon sang rescue kag recovery operations matapos ang insidente kahapon sang aga.

Kapin 40 ka bangkay sang mga kabataan ang nasapwan, samtang ginabanta nga nagalab-ot sa 80 ka tawo ang sakay sang bangka.

Lakip sa mga pasahero ang mga mangunguma nga pakadto kuntani sa pag-ani sang bugas.

Ginalantaw nga posible nga kabangdanan sang insidente ang overcrowding, indi maayo nga pagmintinar sang bangka kag maluya nga safety regulations.