Ginreport sang Office of Civil Defense (OCD) nga naglab-ot na sa halos 900 ang mga nahimu nga oil spill boom para ma-contain ang mga nagtagas nga langis nagikan sa nagkulob nga MT Terra Nova.
Suno sa OCD, ang mga nahimu nga spill boom ang sa pagbuligay sang nagkalin lain nga ahensiya sang gobyerno kag mga volunteers gamit ang mga natipon nga materyales.
Yara sa 48 ka team ang nai-deploy sa pila ka mga fabrication site sa Pampanga Lubao Bamboo Hub kag mga Tarlac Modern Mechanized Forest Nursery.
Ang mga ini ang nakahimu sang kabug-usan nga 885 spill boom.
Gindala ang mga nasambit nga spill boom sa mga probinsya nga una na nga natumod bilang high-risk kasubong sang Bataan, Bulacan, kag Pampanga agud punggan ang nagalala pa nga paglapta sang langis.
Samtang, ginreport naman sang Department of Environment and Natural Resources (DENR) nga may yara ini sang alokasyon nga 954 boxes sang mga oil absorbent pads sa DENR Calabarzon.
Una na nga nagpanawagan ang gobyerno sang mga donasyon nga materyales sa paghimu sang mga spill boom kasubong sang bunot sang lubi samtang pila ka mga volunteer naman ang nag-offer sang bulig para diri.
