-- ADVERTISEMENT --
Naglab-ot na sa 94.61% sang populasyon sa Capiz ang rehistrado sa Philippine Health Insurance Corporation ukon PhilHealth.
Suno kay Janimhe Jalbuna, Head sang PhilHealth Public Affairs Unit, iya ginpahayag nga katumbas ini sang 799,315 ka mga indibidwal.
Samtang, naglab-ot sa 99.96 porsyento ang client satisfaction rating sang PhilHealth Capiz as of July 31, 2026, nga mas mataas kumpara sa 99.39% nga regional rating sa Western Visayas.
Ginpahayag ni Jalbuna nga nagapanguna ang PhilHealth Capiz sa mga local health insurance office sa Western Visayas sa satisfaction rating.
Nagpanawagan naman ang ahensya sa mga wala pa nakarehistro nga magparehistro agud makabenepisyo sa mga programa ilabi na ang YAKAP Program.
-- ADVERTISEMENT --
