Ginhilway na sang Hamas ang 3 bihag nga Israelis nagikan sa Gaza sa panibag-o nga hostage-prisoner swap.
Ini amo sanday Yarden Bibas, 34-anyos kag Ofer Kalderon, 53-anyos nga nakatabok na sa border pabalik sa ila mga himata sa Israel kag ang US-Israeli citizen nga si Keith Siegel, 65-anyos.
Ini na ang ikaapat nga batch sang mga ginhilway nga bihag nagikan sa kamot sang Hamas sumugod sang mangin epektibo ang ceasefire deal sa tunga sang Israel kag Hamas sang Enero 19, 2025.
Bilang kabaylo naman sang paghilway sa mga bihag nga Israelis, nakatalana nga igahilway man ang 183 Palestino nga nakahunong sa mga kulungan sang Israel.
Masobra 100 sa ila ang nagikan sa Gaza kag yara sa 70 naman ang nagapangatubang sa malawig ukon panghambuhay nga sentensiya sa mga hunungan sang Israel.
