Na-delay sang halos tatlo ka oras ang hampang ni Filipina tennis star Alex Eala batuk kay Jessica Pegula sa finals sang Mubadala DC Open sa Washington, D.C. tuga sang malain nga panahon
Sang nagpadayon na ang hampang, nagdaug si Pegula sa una nga set, sa iskor nga 6-4, kag nagpanguna sa ikaduha nga set, 2-1.
Apang liwat nga ginpauntat ang hampang pasado alas kwatro sang kaagahon bangud sa padayon nga pag-ulan kag lightning delay.
Suno sa tournament organizers, ginalauman nga magapadayon ang hampang alas 5:30 sang subong nga aga (oras sang Pilipinas), kon mag-ayo ang kahimtangan sang panahon.
Si Eala nagatinguha nga makuha ang iya una nga titulo sa WTA 500 pagkatapos sang sunod-sunod nga kadalag-an batok sa mga wordl class, lakip ang anay world No.1 nga si Naomi Osaka.
