Nagpatas sanday US VP Kamala Harris kag anay US Pres. Donald Trump sa resulta sang botohan sa Dixville, Notch sa estado sang New Hampshire para sa 2024 US presidential elections.
Mahibaluan ini ang pinakauna nga lugar sa pungsod nga naka-report sang ila presidential preference.
Nagdugay lamang sang 12 minutos ang pag-isipay bangud 6 lamang ang mga botante sa lugar.
Nagsugod ang botohay 12:00 sang kaaganhon kag nagtakop alas 12:07 sang kaaganhon.
Lunsay nakakuha sanday Harris kag Trump sang tig-3 votes.
Nakabutang sa layi sang estado sang New Hamphire nga ginatugutan ang mga lugar ukon komunidad kaangay sang Dixville Notch agud buksan ang eleksyon sa midnight kag gilayon nga isara.
Ang Dixville Notch, isa ka unincorporated community sa Dixville sa Coos County nga makit-an sa naaminhan nga bahin sang estado kung sa diin yara sa 20 milya nabagatnan sang Canadian border.
Sa nakaligad nga 2 presidential elections, ginsuportahan sang mga botante sa Dixville Notch ang Democratic nominee.
