Nagpaguwa sang maisog nga pahayag sa social media si former presidential spokesperson Harry Roque kasunod sang ginpatigayon nga surprise rally sang linibo nga myembro sang Iglesia ni Cristo (INC) sa palibot sang EDSA People Power Monument bilang pagpakita sang suporta kay Senator Rodante Marcoleta.
Sa iya nga Facebook post, gin-call out ni Roque ang Simbahan Katolika bangud sa ginaalegar paghipos sa tunga sang nagakatabo nga pagpakig-away batuk sa kalainan.
“Simbahang Catolica: nasaan kayo sa laban ng taong bayan laban sa kasamaan? Malulugas ang hanay nyo at lolobo ang hanay ng INC!”
Ginpaguwa niya ang pahayag kadungan sang pagtipon sang mga myembro sang INC sa EDSA sa isa ka wala ginalauman nga mobilisasyon nga nagserbe nga suporta kay Marcoleta, matapos ginpahayag sang Office of the Ombudsman nga magapasaka ini sang kaso nga plunder batuk sa senador.
Sa subong, wala pa sang opisyal nga sabat ang pamunoan sang Simbahan Katolika sa pahayag ni Roque.
Sandig sa Ombudsman, napaslawan si Marcoleta nga ideklara sa iya Statement of Campaign Expenditures ang ginabanta P75 million campaign contributions nga nabataon matapos ang iya madinalag-on nga pagka-eleher sa Senado sang Mayo 2025.
