Pormal na nga nagsugod ang harvest season sang diwal sa banwa sang Panay, Capiz
Sa interview sang Bombo Radyo kay Panay Mayor Jonathan Besa,iya ginpahayag nga sa idalum sang executive order, mahimo na nga magbakal ang mga negosyante sang diwal partikular sa Barangay Agojo kag Barangay Navitas.
Suno kay Besa, ang presyo sang diwal ang yara sa ₱400 kada kilo kun para lamang sa personal consumption, samtang ₱350 kada kilo naman kun para sa mga negosyante, apang kinahanglan indi magnubo sa 20 kilos ang ila sini nga pagabaklon.
Pahayag pa niya, hugot nga ginapatuman ang “first come, first serve” ukon “reserve to order” agud makabulig sa pag-regulate kag malikawan ang overfishing.
Nagalaum man ang natungdan nga makabulig ang nasambit nga harvest season sa pagpasangkad sang turismo kag pagpakilala sa diwal bilang isa sa mga ginapabugal nga panginhason sang probinsya sang Capiz.
