ROXAS CITY – Aprubado na sang Sanggunian Panlalawigan ang Hazard Pay and Special Risk Allowance sang mga empleyado sang gobyerno probinsyal nga nagalab-ot sa P16,160,837.
Nahibaluan nga nagpatigayon sang committee hearing ang Committee of the Whole and the Committee on Appropriations sa pagpanguna ni Board Member Sonny B. Besa natuhoy diri.
Matapos ang nasambit nga sinapol gilayon man nagpatawag sang special session ang Sangguniang Panlalawigan sa pagpanguna ni Vice Gov. James “Mitang” Magbanua kun sa diin gin-aprubahan sa 2nd, 3rd and final reading ang hazard pay kag special risk allowance.
Kalakip sa mangin benepisyaryo sang hazard pay kag special risk allowance amo ang mga regular nga empleyado sang gobyerno probinsyal, PHW’s, CO’s/JO’s – Capitol kag CO’s/JO’s – Hospital.
(PHOTOS: ARA si Mitang Magbanua)
