Saludo si Barangay Ginebra head coach Tim Cone sa swabe nga hampang ni RJ Abarrientos partikular na sa nakaligad nga duha ka hampang sini.
Dako ang pagpati ni Cone sa abilidad ni Abarrientos nga kaya niya nga maghimu sang dagko nga puntos sa mga hampang sang Gin Kings.
Wala naman ginsayang ni Abarrientos ang pagsalig nga ginhatag sa iya sang coaching staff matapos magpasabog sang 24 puntos, limang rebounds kag lima ka assists sa iskor nga 112-96 nga kadalag-an sang Gin Kings sa Phoenix sa PBA Governors’ Cup sadtong Miyerkules sa Ninoy Aquino Stadium.
Ang kadalag-an ang nagdala sa Gin Kings sa playoffs sa 6-3 nga rekord.
Dako naman nga bulig kay Abarrientos ang naagyan sini sa Korean Basketball League kun sa diin naghampang ini para sa Ulsan Hyundai Mobis Phoebus.
Nasiplatan man sa aksyon si Abarrientos kaupod ang Shinshu Brave Warriors sa Japan B.League.
