Aminado ang head sang City Engineer’s Office nga may permit kag ginhatagan sini sang clearance ang sub contractor sang proyekto sa Datiles St., Barangay Tanque, sining syudad nga sang damlag lang gintunaan sang paggutok sang trapiko matapos nga ginsaraduhan ang dalan.
Apang ginklaro ni Engr. Noel Laminares may pagsulundan nga dapat himoon antes mahatagan sang permit nga masuguran ang nasambit nga proyekto.
Suno sa inhenyero nga kinahanglan sa sulod sang isa ka semana, matapos na ang proyekto agud indi maperwisyo ang mga motorista nga nagalabay sa lugar.
Ginpahayag pa ni Laminares nga personal sini nga ginalibot ang ginapatigayon nga mga proyekto agud tsekyaron kun ginasunod ang iya instruksyon kasubong na lamang sa pagpahamtang sang early warning device.
Pananglitan may makita ini nga paglapas ukon kapaltahan gilayon sini ginatawagan ang concerned project engineer.
Sa pagsarado sa Datiles St., sa Barangay Tanque sang nagligad nga Sabado ginpatawag na sini ang concerned nga contractor sa iya talatapan agud ila maestoryahan ang hilikuton sa nasambit nga proyekto kag indi na ini masulit pa
