-- ADVERTISEMENT --
Nagtaas sang 15% ang Health Care Spending sang mga Pilipino sang tuig 2025.
Sandig sa data sang Philippine Statistics Authority (PSA), nagalab-ot sa P1.87 trillion ang kabug-usan nga gasto sang pungsod sa Health care gikan sa P1.63 trillion sa tuig 2024.
Suno sa ekonomista nga si Marco Antonio Agonia sang University of Asia and the Pacific, ang pagdamo sang paggasto sa ikaayong lawas mahimo nga gintuga sang mas mataas nga ihibalo sa ikaayong lawas kag mas daku nga ikasarang sa paggasto sang mga pumuluyo.
Apang, pahayag niya ang mataas nga lebel sang out-of-pocket nga paggasto sa ikaayong lawas nagapabilin nga isa ka hangkat, nga nagapakita sang kinahanglanon para sa mas mabakod nga sistema sa ikaayong lawas sa pungsod Pilipinas.
