Mas hatagan sang prayoridad sang investment proposal sang mga government agency sa Western Visayas para sa 2027 ang ang health, disaster resilience, edukasyon kag inclusive growth.
Ini ang sandig sa Department of Economy, Planning, and Development (DEPDev) Region 6.
Suno sa DEPDev-6, katuyoan sang mga budget proposal sang mga ahensya nga solusyonan ang mga indicator nga natumod nga nagahina ukon naganubo ang performance sa idalom sang Western Visayas Sustainable Development Goal (SDG) Catch-Up Plan for 2026-2030.
Sakop sang assessment ang budget proposals sang 34 regional offices sang mga ahensya sang gobyerno kag siyam nga state universities, nga may kabug-osan nga proposed programs, activities kag projects nga nagabalor sang P258.39 billion.
