Nagpaandam ang isa ka health expert sa mga kalalakihan nga mangin mabinantayon sa ila reproductive system kadungan sang Prostate Cancer Awareness Month.
Sa interview sang Bombo Radyo kay Dr. Mark Anthony D. Basquez, OIC-Chief of Hospital I sang Sen. Gerardo M. Roxas Memorial District Hospital, iya ginpahayag nga importante ang pagselebrar sang Prostate Cancer Awareness Month agud mapataas ang kaalam sang publiko parte sa isa sa mga masami nga sahi sang cancer nga nagaapekto sa kalalakihan.
Suno kay Basquez, ang prostate cancer amo ang pagtubo sang abnormal nga mga cell sa prostate gland, nga kabahin sang reproductive system sang lalaki.
Pahayag pa niya, mas mataas ang risgo sang mga lalaki nga nagaedad sang 50 anyos pataas, may family history sang sakit, kag may indi maayo nga lifestyle.
Dugang pa sini, ang mga masami nga sintomas sang prostate cancer nagalakip sang kabudlayan sa pag-ihi, masami nga pag-ihi ilabi na sa gab-i, may dugo sa ihi ukon semilya, kag pagsakit sang likod ukon balakang
Samtang,nag pahanumdom naman ang na nga indi dapat kahadlukan ang pagpacheck-up kag pagpangayo sang bulig medical bangud ang husto nga impormasyon, regular nga screening kag temprano nga pagbulong amo ang mga pinakaepektibo nga pamaagi agud maproteheran ang kabuhi batok sa prostate cancer.
