Nagpahanumdom ang ang isa ka health expert sa importansya sang kumpleto nga immunization sa mga kabataan.
Sa interview sang Bombo Radyo kay Julius Vicson De la Cruz, Nurse V sang Capiz Provincial Health Office , iya ginpahayag tuman ka importante ang immunization agud maproteheran ang mga kabataan batok sa nagkalain-lain nga nga mga sakit kaangay sang measles, polio kag iban pa.
Suno kay De la Cruz, kinahanglan nga makumpleto sang kabataan ang ila bakuna suno sa routine immunization schedule ilabi na ang mga nagaedad 0 tubtob 5 anyos nga amo ang pinaka-delikado kag madasig maapektuhan sang sakit.
Dugang pa sang natungdan, nagapadayon ang kampanya sang ila talatapan agud mapataas pa ang numero sang mga fully immunized nga mga kabataan sa probinsya sang Capiz.
