Nagpahanumdom ang Health Expert sa publiko sa importansya sang ihibalo sa paghalong sa isyu sang obesity.
Sa interview sang Bombo Radyo kay Dr. Pepito M. Biclar Jr., Resident Physician sang Mambusao District Hospital, iya ginpahayag nga ang obesity isa sa pinakadaku kag seryoso nga problema sa bug-os nga kalibutan.
Suno kay Dr. Biclar, ang sobra nga tambok sa lawas sang tawo nagadugang sang risgo sang madamo nga sakit kaangay sang diabetes, high blood pressure, sakit sa tagipusuon, stroke, kag pila ka sahi sang cancer.
Nahibaluan nga isa sa tatlo ka Filipino adults ang overweight ukon obese bangud sang masami nga pagkaon sang mga matambok nga pagkaon, processed foods kag ilimnon nga may mataas nga level sang kalamay.
Dugang pa sang natungdan, kinahanglan sang disiplina kag kombinasyon sang husto nga pagkaon, regular nga ehersisyo, tulog, kag stress management ang liyabi para malikawan tuman nga pagdaku.
