Nagpahanumdom ang isa ka health expert sang importansya sang pag-angkon sang ihibalo nahanungod sa rabies.
Sa interview sang Bombo Radyo kay Dr. Andre Ravena, Medical Officer III sang Bailan District Hospital, iya ginpahayag nga importante gid ang pag-angkon sang ihibalo sang publiko batok sa rabies bangud isa ini ka makamatay nga viral disease nga tuga sang virus nga ginadala sang sapat pareho sang ido kag kuring nga wala nabakunahan.
Suno kay Ravena, ini ang mahimo malaton pinaagi sa kagat, kalmot ukon bisan pagdila sang infected nga sapat sa bukas nga pilas.
Pahayag pa niya, kun makagat ukon makalmot sang sapat, kinahanglan dayun nga hugasan ang pilas gamit ang sabon kag flowing water sa sulod sang 15 minutes kag insigida nga magpadulong sa pinakamalapit nga ospital ukon animal bite treatment center agud mabakunahan.
Nahibaluan nga ang bulan sang Marso ang Rabies Awareness Month ginaselebrar kada bulan agud mapabaskog ang kampanya kontra rabies kag maprotektahan ang kabuhi sang mga pumuluyo.
Dugang pa sang nayungdan, padayon ang panawagan sang mga health officials nga magkooperar ang komunidad agud masiguro ang kaluwasan kag kaayuhan sang tanan.
INTERVIEWED BY: BOMBO VINZ DEOCAMPO
