Hatagan sang prayoridad ni Atty. Nathaniel Oducado ang iya ikaayong lawas kag pamilya matapos sini ginkumpirma ang iya pagbiya sa Kamara bilang tiglawas sang 1Tahanan Party-list.
Sa facebook post, ginpahayag ni Oducado nga nagapati siya nga ang public service ang isa ka pribilehiyo kag indi permanente nga posisyon.
Suno sa iya, importante man nga mahibaluan sang isa ka public service kun san-o dapat mag-atras kag indi mangin selfish sa pagpabilin sa pwesto.
Ginpahayag ni Atty. Oducado nga personal nga rason, particular ang iya health condition kag oras para sa pamilya, ang nagtulod sa iya agud nga magbiya sa House of Representatives.
Samtang, ginasiguro ni Oducado nga magapadayon ang mga adbokasiya sang 1Tahanan Party-list apisar wala na siya sa pwesto.
Ginpasalamatan man sini ang iya mga staff kag supporters nga nangin kaupod niya sa pagserbisyo sang halos 10 ka bulan.
