adyo kay Dr. Evelyn T. Bolido, Medical Specialist IV kag Chief sang Health Systems Support Division sang Capiz Provincial Health Office, iya ginpahayag nga indi dapat magbase lamang ang mga pasyente sa brand name sang bulong, kundi dapat man nila mahibaluan ang generic name ukon active ingredient, gamit sang bulong kag husto nga dosage.
Suno kay Bolido, isa sa misconception sang publiko amo ang paghunahuna nga indi epektibo ang generic medicines bangud mas barato ini.
Apang ang generic medicine indi nagakahulugan nga mas manubo ang kalidad ukon effectiveness, basta ini aprubado, properly regulated, quality-assured kag ginagamit suno sa husto nga indication kag dosage.
Pahayag pa niya, ang indi husto nga paggamit sang antibiotics mahimo magdugang sa antimicrobial resistance, rason nga indi dapat mag-share sang antibiotics, maggamit sang nabilin nga bulong ukon magbakal sini nga wala sang proper medical advice.
Dugang pa sang natungdan, ang bulong indi lamang produkto nga ginabakal, kundi importante nga bahin sang pag-atipan sa ikaayong lawas gani dapat pilion ang bulong nga safe, quality, effective kag affordable, kag gamiton ini sa husto nga paagi.
