Nagpanawagan ang health secretary nga si Ted Herbosa, sang total ban sang vape products bangod sa ila toxic ukon addictive nga epekto nga nagahatag sang peligro sa kabuhi.
Suno kay Herbosa, ang E-cigarette or Vaping product use-Associated Lung Injury (EVALI), isa ka bag-o nga balatian nga mahimo makuha sa e-cigarettes kag vape products.
May mga kaso nga nagadevelop sang “popcorn lungs”, samtang ang chronic smokers ang baga nagaturn black kag nagapermanente ang damage.
Ginpahibalo sang Department of Health nga sa Southeast Asia, tatlo na lang ka pungsod lakip ang Pilipinas, Indonesia, kag Malaysia, ang wala pa nag ban sang vape products.
Nagalaum ang Department of Health (DOH), nga pinaagi sa regulasyon maprotektahan ang kabataan kag publiko batok sa peligro kag kadaut nga dala sang vape chemicals.
