Nagpahanumdom ang isa ka healthcare professional sang importansya sang pag-atipan sang atun dilunggan, ilong kag tutunlan.
Sa interview sang Bombo Radyo kay Dr. Lorenz Alfred Gonzales, isa ka Ear, Nose and Throat specialist, iya ginpahahayag nga ang nasambit nga parte sang atun nga kalawasan ang tuman ka sensitibo rason sang maayo gid nga pag-atipan.
Suno kay Dr. Gonzales, ang dilunggan ang mahimo nga maka-angkon sang pagkasamad sang ear drum kun sala ang pamaagi sa pag-tinlo kag masami nga nagapamati sang matunog nga mga musika.
Samtang, kun gina-ubo kag ginasip-on, importante nga indi pagbutangan sang pwersa ang pag-ubo ukon pagpagwa sang sip-on bangud posible nga ma-damage ang ilong kag tutunlan nga mahimo man tunaan sang pagkabungol kag tonsillitis.
Pahayag pa niya, magpadulong sa pinakamalapit nga clinic ukon ospital kun may yara sang nabatyagan kag likawan ang amg sel-medicate.
Dugang pa sang natungdan, sa subong nga pabag-o bag-o ang panyempo, kinahanglan nga amligan ang ikaayong lawas, likawan ang stress kag magkaon sang masustansya nga pagkaon.
