Nagapamahog ang malapnagon nga pag-ulan sa dalagku nga bahin sang pungsod tubtob sa Domingo, Hulyo 26.
Ini ang base sa heavy rainfall outlook sang state weather bureau may kaangtanan sa Severe Tropical Cyclone Kiyapo kag Southwest Monsoon (Habagat).
Halin subong nga adlaw (Hulyo 24) tubtob buwas (Hulyo 25), lauman ang pag-ulan nga nagalab-ot sa 100–200 mm sa Batanes, Cagayan, Apayao, kag Ilocos Norte.
Samtang, 50–100 mm naman ang forecast sang pag-ulan sa banwa sang Isabela, Kalinga, Abra, Benguet, Ilocos Sur, La Union, Occidental Mindoro, Palawan, Antique, Iloilo, Guimaras, kag Negros Occidental.
Humalin buwas tubtob Domingo (Hulyo 26), ang mga probinsya sang Bataan kag Occidental Mindoro ang may kasarangan tubtob mabaskog nga pag-ulan (50–100 mm).
Ini nga mga lugar ang apektado sang pag-ulan nga dala sang Bagyo Kiyapo kag Southwest Monsoon.
Ang pag-ulan mahimo nga magpadayon sa sulod sang pila ka oras, nga posible mangin kabangdanan sang pagbaha kag pagtiphag sang duta, ilabi na sa nabukid nga mga bahin.
