Hepe sang isa ka police station sa Capiz, ginreklamo matapos magpalupok sa bulangan

ROXAS CITY– Ginreklamo ang hepe sang Ivisan Municipal Police Station matapos gin-alegar nga magpalupok sa bulangan sa Barangay Poblacion, Jamindan, Capiz.

Suno sa wala nagpakilala nga residente, nagtuga sang kahadluk sa mga residente, kalakip sa mga manugbulang ang ginhimo nga pagpalupok ni PSInsp. Leomindo Tayupon sa bulangan.

Nakita niya nga nagguwa sa bulangan si Tayupon kag hubog pa ini sang nagpalupok sang makapila ka beses.

Apang antes ang insedente nagkinagamo na sa sulod sang bulangan rason nga nagpalupok ang pulis agud mag-untat ang kinagamo.

Apang ginapanindugan sini nga sala ang ginhimo sang nasambit nga opisyal bangud indi ini hilimuon sang isa ka pulis, sa baylo kinahanglan sini nga magpatunga agud masulusyunan ang problema.