Liwat nga nagpanugyan ang hepe sang Roxas City PNP sa publiko angut sa pagduging sang investment scheme sa syudad sang Roxas.
Ginpahayag ni Police Lt. Col. Ricardo Jomuad Jr., nagaguha sa imbestigasyon nga wala sang lisensiya ukon frankisa gikan sa Securities and Exchange Commission (SEC), Department of Trade and Industry (DTI) kag licensing office ang amo nga investment scheme.
Suno sa opisyal nga padayon ang ila monitoring bangud sa liwat nga pagduging sang investment scheme agud wala na sang Capizenio nga mabiktima.
Sa karon matunog ang 28 days investment scheme apang ginaalegar nga may nagalapta pa gid nga 35 days investment scheme.
Nagalaum si Jomuad nga magtanda na ang mga pumuluyo kag indi na mag-invest sang ila hard earned money sa mga investment scheme nga makabig iligal bangud wala sila sang anuman nga dokumento nga makapamatood nga legal ang ila nga operasyon.
