ROXAS CITY – Temprano pa nga ginpapauli sang tagdumalahan sang Hercor College-Lawaan Campus ang mga estudyante, matapos ginapahayag nga nakasulod sa likod nga compound ang subject person nga nakapalagyo sa ginpatigayon nga buybust operation Malipayon Village, Barangay Tiza, Roxas City.
Mahibaluan nga natigayon nga makapalagyo ang subject person sa amu nga operasyon nga ginkilala kay John Martin Legaspi, matapos nga naglumpat sa likod nga bahin sang ila puluy-an.
Matandaan nga ginkilala ang mga kaupdanan sini nga sanday Aldren Dela Cruz, 32-anyos kag residente sang nasambit nga lugar kag Jemmer Asignacion, 35-anyos kag residente naman sang Barangay I, sining syudad.
Nakuha sa paghinkop sang mga nagkaladakpan ang tatlo ka sachets sang suspected shabu, nga ginabulubanta may kabug-aton nga 5 gramos kag may Standard Drug Price nga P49,000.00, kag isa ka sling bag nga naga-duag itom.
Sa karun, padayon ang pagpatigayon sang hot pursuit operation sang mga kapulisan batuk sa nagpalagyo nga subject person.
