ROXAS CITY – Nagpakita man sang pagpakig-unong ang lokal nga gobyerno sang siyudad sang Roxas sa pagkamatay ni ‘The Black Mamba’ Kobe Bryant.
Ini ang pinaagi sa pagpasiga sang suga nga purple kag gold sa pila ka mga heritage landmarks sa siyudad.
Mahibaluan nga kalakip sa heritage landmarks sang siyudad ang President Manuel Roxas Monument, Ang Panublion Museum, Roxas City Hall, Immaculate Concepcion Metropolitan Cathedral, Jose Rizal Monument, Roxas City Bridge, Rotonda Fountain kag Bandstand Gazebo.
Ang pagpasiga sang nasambit nga mga landmarks ang isa ka pagpakita sang pagdayaw kag pagsaludo sa nagtaliwan nga basketball super star.
Indi naman malipod nga madamo nga mga Capizeño ang naapektuhan sa pagkamatay sang ginbansagan ‘Black Mamba’ ilabi na ang mga basketball fans sini.
