Ginaduso ni KABAYAN Party-list Rep. Ron Salo sa Department of Migrant Workers (DMW) nga hatagan sang hero’s welcome ang 17 Filipino seafarers nga nakalaya gikan sa pagkabihag sang Houthi forces sa Yemen sa sulod sang masobra isa ka tuig.
Pahayag pa ni Salo, malala nga pagpabudlay ang na-eksperyensyahan sang mga Pilipino nga mandaragat para lang masuportahan ang ila tagsa ka mga pamilya rason nga dapat i-selebrar kag ipagpasalamat sang bilog nga pungsod Pilipinas ang pagbalik sang mga ini sa pungsod.
Panawagan ni Salo sa DMW, kilalahon ang kabaskog kag ambag sang mga seafarer sa maritime industry kag global workforce.
Dugang pa sini, ang pagbalik sa Pilipinas sang 17 seafarers ang isa ka paandam sa risgo nga ginapangatubang sang mga overseas Filipino worker kaya ang ila kaluwasan ang indi lang kadalag-an sang diplomacy kundi patunay sang katatagan sang mga Pilipino
