Patay ang isa ka senior commander sang Hezbollah elite unit matapos ang Airstrike sang Israel sa southern suburbs sang Beirut.
Ini ang una nga pag-atake sa lugar sa sulod sang halos isa ka bulan.
Suno sa Lebanese health ministry, indi magnubo sa 11 ka tawo ang napatay sa magkatuhay nga pagpang-atake sa southern kag eastern Lebanon.
Ginkumpirmar man ni Israeli Prime Minister Benjamin Netanyahu nga ang target sang ila operasyon amo ang kumander sang Hezbollah Radwan Force.
Ginreport man sang Lebanese National News Agency nga gin-igo ang Ghobeiri sa southern suburbs sang Beirut, isa ka kilala nga kuta sang Hezbollah.
Madamo naman sang mga pumuluyo ang nagpalagyo kag nag-evacuate samtang ang iban nga mga residente ang wala pa sa gihapon kabalik sa ila tagsa ka mga puluy-an humalin sang Marso apisar nga may yara sang ginapatuman nga ceasefire.
