Hugot nga ginpanginwala sang Olympic gold medalist nga si Hidilyn Diaz ang isa ka peke nga video nga nagalapta sa internet, sa diin gina-alegar nga gina-endorso sini ang isa ka online gambling app.
Suno kay Diaz, himo-himo lamang ang video kag nagagamit sang artificial intelligence agud ilugon ang iya tingog.
Ang kontrobersyal nga video nagapakita sang isa ka babaye nga daw si Diaz nga nagahatag sang mga instruksyon kon paano mag-download sang isa ka gambling application.
Apang sa isa ka post sang Martes, ang weightlifting champion nag-insister nga indi siya ang subject sang video.
Naghingyo man si Diaz sa publiko nga i-report ang misleading post agud matapna ang paglapta sang sala nga impormasyon.
Si Hidilyn Diaz ang labing una nga Filipino athlete nga nakakuha sang bulawan nga medalya sa Olympics, matapos ang iya kadalag-an sa women’s 55kg weightlifting event sa Tokyo 2020.
Magluwas sa iya mga pasidungog sa patag sang sports, kilala man siya bilang isa ka aktibo nga humalambal batuk sa mga isyung panlipunan kag isa ka manugsakdag sang mga pamatan-on kag edukasyon.
