PONTEVEDRA, CAPIZ- Arestado ang isa ka lalaki nga ginakabig High Value Individual (HVI) matapos ang ginkasa nga drug buybust operation sa Barangay Tabuc, Pontevedra, Capiz.
Ang nadakpan amo si alyas “Mike”, 37-anyos, bantay sang punong, kag residente sang Barangay Poblacion Ilawod, sa amo man nga banwa.
Sa interview sang Bombo Radyo kay Police Captain Garry Diaz, Hepe sang Pontevedra Municipal Police Station, iya ginpahayag nga madugay na nila nga ginamonitor ang amo nga persona.
Dugang pa sini, pinaagi sa isa ka pulis nga nagpakuno-kuno posuer buyer, natigayon nga nadakpan ang amo nga lalaki.
Nakuha sa posesyon sini ang 21 tanan ka sachets sang ginapatihan shabu nga may kabug-aton nga mas ukon menus 500 ka gramo kag may Standard Drug Price nga ginabulubanta P1,054,000.00.
Nagapangatubang ini sa karon sa kaso nga paglapas sa Republic Act 9165 ukon ‘Comprehensive Dangerous Drugs Act of 2002.’
Sa karon, yara na ini sa paghinakop sang Pontevedra Municipal Police Station para sa nagakaigo nga disposisyon.
In an interview with Bombo Jessa Mae Siman De Los Santos
