High value individual, dakop sa drug buy-bust operation sa banwa sang Pontevedra, Capiz

Arestado ang isa ka lalaki samtang isa naman ang nakapalagyo sa ginpatigayon nga buy bust operation sang Brgy. Tacas, Pontevedra, Capiz.

Ang arestado amo si Alyas “Hugo” high Value individual, residente sang nasambit nga lugar.

Suno sa Pontevedra Municipal Police Station nakuha sang subject ang suspected shabu nga ginabanta may kabug-aton nga  52 grams nga may standard drug price nga P353,600.00.

Padayon naman ang ginapangita sa mga kapulisan ang nakapalagyo nga subject sa amo nga operasyon.

Sa subong preso na si Alyas “Hugo” kag magapangatubang sa paglapas sa RA9165 o Dangerous Drugs Act of 2002.