ROXAS CITY – Dakop sa ginkasa nga drug buy-bust operation ang isa ka High Value Individual sa bahin sang Sitio Caduulan, Barangay Banica, Roxas City.
Ang subject person amo si alyas ‘koykoy’, 22-anyos kag residente sang Legaspi Ilaya, Roxas City.
Sa interview sang Bombo Radyo kay Mr. Jury Rocamora, Investigation Agent sang Philippine Drug Enforcement Agency – Capiz, iya ginpahayag nga ang amo nga operation ang ginpatigayon sang ila talatapan kaupod ang Provincial Drug Enforcement Unit (PDEU) kag Roxas Component City Police Station.
Suno kay Rocamora, nakuha sa paghinakop sang subject person ang anum ka heat-sealed transparent plastic sachet sang ginapatihan shabu nga may kabug-aton nga 13 gramos kag may standard drug price nga P88,400.
Lakip man sa nakuha ang P1,500 nga cash kag P100 nga buy-bust money.
Pahayag pa niya, ginatutukan sang ila talatapan ang bahin sang Barangay Banica, Roxas City kun sa diin nagapangaduha ini sa may pinakadamu nga kaso nahanungod sa ilegal nhga droga.
Sa subong, yara na sa presohan sang Roxas City Police Station ang subject person kag magapangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
Nagapanawagan man ang natungdan sa tanan sang kooperasyon agud matigayon na nga matapna ang paggamit kag pagbaligya ssang iligal nga droga.
