PONTEVEDRA, CAPIZ- Anay naman nga nadakpan sa kapareho nga kaso ang isa ka lalaki nga ginakabig High Value Individual nga naaresto sang mga otoridad matapos ang ginkasa nga drug buybust operation sa Barangay Tabuc, Pontevedra, Capiz.
Ang nadakpan amo si alyas “Mike”, 37-anyos, bantay sang punong, kag residente sang Barangay Poblacion Ilawod, sa amo man nga banwa.
Sa interview sang Bombo Radyo kay Punong Barangay Dominador Burata, sang Barangay Poblacion Ilawod, Pontevedra, Capiz, iya ginpahayag nga madugay na nila nga ginamonitor ang amo nga persona.
Dugang pa sini, wala man sang record sa ila nga barangay ang amo nga persona apang namonitor na ini sa BADAC watchlist nga nagapatigayon sang iligal nga aktibidad.
Nahibaluan nga nadakpan ini anay sa banwa sang Panay sa amo man kabangdanan.
Madumduman nga nakuha sa posesyon sini ang 21 tanan ka sachets sang ginapatihan shabu nga may kabug-aton nga mas ukon menus 500 ka gramo kag may Standard Drug Price nga ginabulubanta P1,054,000.00.
Nagapangatubang ini sa karon sa kaso nga paglapas sa Republic Act 9165 ukon ‘Comprehensive Dangerous Drugs Act of 2002.’
In an interview with Bombo Francis Biñas
