Nagapati na sa karon ang mga himata sang Capizenia Domestic Helper nga ginaalegar nagpangimatay sa pungsod Kuwait nga may yara sang foul play sa kamatayon sang biktima.
Sa liwat nga pakig-angut sang Bombo Radyo sa kay Victoria Colmo ginpahayag sini nga kumbinsido na ang ila nga mga himata nga may yara sang foul play sa kamatayon sang iya utod nga si Angela Colmo nga gin-alegar nga panginmatay sa nasambit nga pungsod.//
Suno kay Colmo nga posible may yara sang nahisa nga mga kaupdanan sang biktima nga sa panimalay nga iya ginatrabahuam nga amo ang nagpatay sa iya.
Natukiban sini nga may yara sang ginapahayag kusinera nga nahisa kay Angela nga masami nagapamingot sa tion nga magpahuway sa trabaho ang biktima.
Magluwas diri, nagapati man si Colmo nga indi si Angela ang nagsulat sang ginapahayag suicide note nga nakit-an sa hulot sang biktima bangud sa mga spelling sang mga tinaga nga nakasulat sa amo nga suicide note.
Hugot nga ginapamatukan sang pamilya Colmo ang pag-cremate sa bangkay sang biktima antes dal-on sa Pilipinas.
Samtang plano naman sang pamilya Colmo nga ipaidalom sa Autopsy Examination ang lawas biktima sa tion nga makapauli na sa Pilipinas agud matu-id kun may yara sang foul play sa kamatayon ni Angela.
Matandaan nga sa una nga interview sang Bombo Radyo sa kay Victoria Colmo nagapati ini nga wala sa foul play sa kamatayon sang iya nga utod nga si Angela.
Mahibaluan nga sa inisyal nga imbestigasyon sang mga kapulisan sang Kuwait nga naglaslas sang pulso si Angela antes naglumpat sa rooftop sa ginatrabahuan nya sini nga panimalay matapos mga natukiban nga nagpositibo ini sa COVID-19.
