ROXAS CITY-Gin-athag sa karon sang mga himata nga wala sang kaangtanan sa online class ang kamatayon sang mag-iloy nga nakuryente sa Barangay Bato, Panay, Capiz.
Matandaan nga Dead on Arrival ang mag-iloy nga sanday Ann Gonzales, 40-anyos kag anak sini nga si Marie Stella Gonzales, 20-anyos sang nasambit nga lugar.
Sa inisyal nga imbestigasyon sang Panay Municipal Police Station ng aksidente nga nakaptan sang nasambit nga iloy ang mga open wire kabangdanan nga nakuryente ini.
Samtang anak sini nga mapaload kuntani kaupod sang iya nga pakaisa ang nagbalik sa ila nga panimalay matapos nga nabatian ang pagsinggit sang iya nga iloy.
Sang nakita sini nga nagahuray-ad na ang iloy, madasig sini nga ginhakus ang iya nga iloy apang demalas nga nakuryente man ini.
Gindala pa sa isa ka pribado nga ospital ang mag-iloy apang gindeklarar nga dead on arrival.
Sa karon nagapabilin sa isa ka punerarya ang bangkay sang nasambit nga
mag-iloy.
