Tuman ang pagkabalaka sang mga himata sang nadula nga mangingisda nga tubtob sa karun wala pa makapauli.
Sa interview sang Bombo Radyo kay nanay Welma Alba ugangan ni Edilberto Germanes alayas “Eddie” 53-anyos, ginpahayag sini nga sadtong Domingo alas 9:00 sang aga pa ini nagpadulong sa dagat agud kun tani magpangisda.
Apang ginkatingala sini nila nga hanagub na wala sa gihapon nakapauli si Germanes tubtob naglab-ot na sa 3 ka adlaw wala sa gihapon sila sang may nabaton nga impormasyon angut sa iya.
Sa diskripsyon ni Alba kay Germanes, mataas ini kag maniwang nga nakasuksok sang puti nga bayo kag sakay sang iya motor bangka nga nagaduag sky blue.
Bangud sini, gilayon sila nga nagpadulong sa Pilas Municipal Police Station agud ipahibalo ang natabo kag magpatigayon sang search and rescue operation.
Apang, napaslawan ang mga ini suno diri bangud wala sila sang may nakita nga bangka ukon persona sa dagat.
Panawagan sini nga kun sin-o man ang makakita kay Germanes, buhi man ini ukon patay gilayon lamang nga ipahibalo sa banwa sang Pilar agud makuha na ang ila pagkabalaka.
